Grabrede zur Fasenacht 2016

Verehrte Anwesende, liebe Trauergemeinde… die Launisch, sie isch dohd!

Nachdemmor e rechd stiermischi, windichi unn regnerischä Fasenachd 2016 ghadd henn, isch si heidd Nachd vunn uns gongä!

Lossd uns gmoinsam nochemohl korz Revü passierä, was die ledschde paar Deeg unn Wochä so alles bassiord isch.

Vordä 17. Januar hodd uns unsor Organisadohrin, `d Marion, enn Philppsburg ohgmeld, dassmor en denne ihrem Jubiläumsumzug middlaafe. Unn die Seggl henn uns doch gladd vergesse!

Des glingt heidd e bissl schlimmor alses wirrglich war! Enn dem Dahg war nemlich saukalt, saunass unn `s hodd gschneedrejorrd, dass sogar `d Mel neidisch worrä wär…

Dodevor hemmor donn em 30. Januar enn Owworhausä denne die Brunksitzung groggd – a wenn `d Birgit di greeschde Sorjä ghadd hodd, wiemor des em Mark wohl beibringä sollä, dass er noch nedd Drummlä därf! Debei war der solwor gonz froh drumm…

Dodefor hodd donn unsor Chefbassdrummol soi Jagg nebschd Auto- und Hausdierschlissl liejä glossd… unn die dehdä bschdimmd heidd noch lieje, wenn unsor Gabi nedd so uffmerksom gweese wär!

En Dahg schbädor warä mor donn en Krohnä unn e Woch vor de Fasenachd hodd Petrus uns schunn emol e bissl gezeigt, wassor midd uns vorhodd! Regnorisch, windich – zum Gligg henn die Frisurä all ghaldä!

Em Schmuzzichä Dunnorschdag donn de Uftritt on dä Bolondäschul – mit völlig unerwartetem Verlauf: zum erschde Mohl dadsählich sowas wie Bewegung bei de Kinnor und Lehror! Unn des gonz ohne Animationsbrogromm vunn uns!

En de Schillorschul in Kerrloch zu schbielä war widdor mol e richdichds Feschd! Do trübt blohs e bissl die Dahdsach, dass de Rektor – Franz „Maddog“ Fischer – `s näggschde Johr nimmi debei soi werdd – zuminneschd nedd in offizieller Funktion! Awwor vielleichd kenne morn als „Schillerschul-Fasänachts-Ährä-Reggdor“ animierä, wieder debei zu soi… Fritz, do brauchämor villeichd enn Oddä…

A propo Oddä! Vorrihrä Kunschdtorn-Fäjichkeidä verleije mor heid enn Oddä on unsor Doris! Wie die sisch abgrolld unn ihrä Drompeed gschizzd hodd, alsorä die Fasenachd üwworaschendorweis Teile vumm Hofdoor zwischä die Fiieß geschmissä hodd… des war schu großahdisch!

Nedd gonz so guuhd waa dodefoohr, dass `d em ledschde Dahg gschwecheld hosch…naja, dess isch vielleicht donn doch’s Aldor! J

Bei dere Glejeheid donn a gleij nochemol e „herzlichs Donggschee“ on `d Birrrigiddd vor die Uffnohm en ihrem Notlacha, also ihrä Kellorbar nebschd Verpflejung!

Donn simmor enn de Aldänochmiddag em Pfarrsaal in Wissedahl, wu die Reijä donn schun e bissl glichtet warä, bevormor em Alte- unn Seniorähoim uffgedrehde sinn. Awwor a do: launischi Fasänachd!

Wejem schlechde Weddor hemmor sogar selwor Hond ohleje unn de Saal umbaue missä, damit die Zuschauor all henn Platz finne kennä… Unn mior? Mir senn em Foyer gschdonnä…!!! Naja, zum Gligg war’s dordd wenigschdens droggä!

Em Freidahg hemmor `s erschde Mohl seit Johrä frei ghadd… des war e bissl bleed… `s neggschd Johr keehndemor do vor Abhilf sorjä!

Em Somsdahg donn widdor Blatz em Kreiz mit Videoseschen vunn de Schnappsägg… unn irgendwie hoddmor de Oidrugg, die schaffä gonz schee onn ihräm Schlagwärg! Unn die Uffnohme vunn uns helfe denne wohl aah e bissl!

Donn simmor nach Eschdringä gfahrä… unn was sollmor dodezu saache!? Des war oifach Weltklasse! Ohgfongä vumm Busfahrä, de Location, iwwor `d Vorpflejung bis zu de Uffschdellung, womor e Uhulä gfeiord henn, biszum Weddor em Umzug, em Umzug selwor unn nadierlich ah de Versorjung – insbsunnorschd vun dir, Tanja! Desweje ah dir e herzlischs „Donggschee!“

Sunndahgs hemme die ultralong Ohfahrt nahdierlich widdor middem Bus gmachd unn on de Uffstellung bei ohgnemohr, dezendor Musisch herzhaft gveschbodd! De Umzug selwor… naja, mior hoddor nedd so gfallä… ned blohs wejem Weddor! Die Leidd henn nedd so middgmachd wie sunschd als… unn zum Dringä hennmio Schlagwerjor vunn aussä a mohl widdor nix griggt!

Ohschliessend, die Busfahrt nach Zeidorn war dodefohr widdor schee.

De Umzug selwor war des Johr nedd gonz so doll wie sunschd als… dodefohr heddemor faschd Zeidorn ohgezinnd! Als die Rakeeht inde Schdrohs exblodiort isch unn de Holgor quasi middä indärrä Fejorsbrunschd gschdonnä isch, hebb ich schbondahn an de Nero dengä missä… zum Gligg isch des guhd gongä!

Guhd war donn a die Riggfahrd vunn Zeidorn iwwor Ketsch, Briehl, Ontwärbä unn `d A5 noch Kerrloch, Wissedahl unn nochemol Kerrloch! Awwor mir sinn all heil dehohm ohkumme… nuja, außer de Mareike vielleicht, weje derrä des Gonz e Schdund friejor bassiord isch.

Em Mondahg hemmor donn all druff gebassd, was Rhoinsä machd. Mainz, Düsseldorf, Koblenz… all hense abgsahgd – unn die Rhoisema henn wohl gedengt: „wenn die großä des machä, machämor oifach ah midd!“

Zum Gligg hodd die weltbeschde Organisatorin, diemor derzeit henn, korzfrischdich voren mehwie adequahde Ersatz gsorgt! Unn dassmor in Odenä anoch all unser Seepferdl henn machä dähfä… des hodd wohl kohnor em Vorfeld gedengt!

Nochwas: enn Rejeschuzz konn wirglich was wert soi. Awwor enn blaue Millsagg? Des geht garnedd… desweje henn – Achdung, jezzd wädd’s zweideidich – donn ah unsor Geschmaggsexperte – de Patrick unn iiech – demm sofort Oihalt biete misse…

E Highlight wedd immor des Schdändorlä bleiwä, desmor em Lars direggd uff de Gass gschbield henn! Schee, dass debei soi gekennd hosch! Wu’d jo schu de so arrig scheene Umzug en Estringe verbassd hosch! J

Em Dienschdahg warämor mohl endlich widdor – nach zu longä Johrä der Abschdinenz – bei’s Sälzlors oiglahde! Des war schee… unn guuhd! Silvia, doi Kessubb unn die Verheioddä sinn e Gedichd! Dongschee!

Bei’s Sälzlors hemmor donn all em Hoof druff gwaard, ob de Umzug en Rot stattfind oddor nedd. Zwischennoi isch donn die Bomb vunn Wissedahl geblazzd, dass die Nasskabbä vum KHC de Wissedelor Umzug abgsagt henn… naja, unsror war dodefohr so arg schee! J

Enn Rot simmor uff Blazz 9 gscharded unn bei wenig Reje unn faschd garkoihm Wind donn schee durch die Rohdor Gass maschiord unn henn en rechdä Schbass ghadd.

Legendär hebb ich donn unsorn Uffdridd in dere klohnä Hall vumm TSV gfunnä! Des war dodahl subbor! Vielleicht a desweje, weil sisch `d Chefbassdrummel do donn vollschdor de Aahm hiegmachd hodd, der Seggl! Awwor vorre rechde Fasenachd mussmor hald a Obfor bringä… des war schu immor so!

Unn donn fälld heid, 14:22 Uhr ah noch ‚d Wäddschaffd aus! Dodefohr hemmor was guuhd beim Frantsche… Unn jezzord simmor do!

Unn donn doch a e bissl froh, dasses rum isch… desweje bidd ich Eich jezzord uffzustehe unn gmoinsam der heidd Nachd verschdorwene Fasenachd 2016 zu gedenge. Unn vielleichd isch’s dem oi oddor onnor a en Drohschd, dass en 378 Daahg de neggschdä Schmuzzich Dunnorschdag isch…