18.2.2026 Fasenachts-Beerdigung am Aschermittwoch

Liebe Trauergemeinde,

mir henn uns heidd mohl widdor versommeld, um die Fasenacht zu verabschiedä. Schee war se, ereignisreich war se, harmonisch – saagä monchä, ohschrengend onnorä, turbulent, intensiv unn bsunnorschd. Awwor de Rahij nooch.

En de eerschdä Januarproohb hodd de Muli soi Sach unn muss frihjor die Prohb vorlossä. Fengd jo guhd oh!

Auftakt: Em Narrägoddesdienschd laafä mor middä Frieda in de Endlosschlaaijf ind Kärch noi, wu sogar d’Schnappsäck middgeduh henn! Schee, dass die schbielfäjich waarä!
Em Pfarrzentrum donn Uraufführung Italo-Runde. Hodd gonz guuhd geklappt, de onnoro Reschd sowieso.

Em Pfarrfasching gibt’s donn e Woch schbädor Owwarheisä Käsbrot ohne Owwarheisä Käsbrotbrot und ohne d’Karin, die sich weje ihrer Abweseheit dodezuh nedd entschbrechend hodd aissorä kennä! E echtes Versäumnis.

Bei de Reilinger Belzkiddel widdor e Woch schbädor wirft d’Marion ihrä Notenbuch in’d Oifahrt, mir schbielä enn saukaldä Uffdridd bei gefühlt -15°C, awwor war trotzdem grossardisch! Die kloinä Lichdor in de Bechor unn so henn iwworä Woch schbeedor immor noch geblinkt!

Sonntag, Narrensprung Kirrlach
Schmingä, d’Birgit hodd Gebordsdahg unn griggd e Lidl zum Ährädahg gsungä! Donn Mittagesse außer de Reihe in de Lindeallee, weil’s jejord.
D’Uffschdellung machd schu Schbahs, de Umzug noch mehnor! Mir roggä di Kerrlochor Schdrohsä unn geje End semmor so em schbielä, dass s’Schlagwerk gar nimmi uffheerä will. Original-Zitat, e bissl verzeifelt: „Mior schbielä awwor noch, ge?!“
Donn waardämor gfiehld zwahij Schdundä en de Hall, bismor losleje därfä, weil die bleed Gugg vor uns oifach nedd uffhärd, die Affä! Awwor alsmor donn endlich di Hall iwwornemmä, reißemeor sie faschd ab! Der Schreiber und Vortragende dieser Zeilen war, mussi echt los wärrä, begeischderd vum Sound vum Bloswerk – sowohl bei de Italo-Runde als ah de Nena unn dem gonze reschd. S’Schlagwerk hodd sowieso abglieford wie immor. Unn wie sich des gheerd, wahremor all rechdzeidig dehohm, bevor’s dunkel worrä isch – odder a nedd! S’Ohwedesse hodd nimmi jede gschafft, awwor des war ah okay…

Prunksitzungen Wiesental + Oberhausen
Henn de MuLi un de Erschde Beef wejem Abreißä ghadd.
In Wissedhl marschiera mor noi, dennohch sterwämor beinoh vor Langeweile – wie immor, schbiele zwei Rundä unn senn widdor raus. Donn missämor 3h Zeidd iwworbriggä, awwor weil die Prunksitzung so toll isch, sennmor ab 22 Uhr em Clubhaus in Owworhausä.
Unsor Oimarsch dort verzeejord sich, weil 111 Zuugahwä Männerballett, Frauedonz unn so weiter, unn so weiter.
Donn senn endlich doch noch mior ah droh, de Lars hodd middä uffde Biehn Gebordsdahg, wasmor endschbrechend würdichä.
De Sitzungspräsident war leidor leicht verpeilt, neddehmohl e Rageed, der jungä Borschd hodd noch e bissl Entwicklungspotential. Awwor d’Leid henn wie immor toll mitgmacht!

Sunndahg, Umzug Bruusl
Ohnor vunn unsorä denkwürdigschde unn ehräwärdeschde Uffdridd – em Hospiz en Brusl, wumor de Erika en Herzenswunsch erfillä. Kriegi schu widdor Bobbl uff de Ärm!
Donn geht’s enn’d Umzugsschdregg.
De MuLi geht vorräm Umzug leidor gleij widdor hohm, der hodd Schmerzä: Hals/Kopf/Bauch/Regel – man wahijs es nedd.
Jetzt kumme e paar Alliterationen mit H. Des isch, wenn die Werdor middem selwe Buchstab ohfongä!
Halbseidener Halbmarathon nach Heidelsheim zur Hinstellung und direkt wieder zurück zum Eingang. Jezzord e paar mit E:
Essen am Eingang
Eskalation vum Esel
Entschleunigung vorm Einkaufscenter (ich glaab des war en etto)
Einsatz erwarten
Einreihen am Ende
Ende Alliterationen!
D’Leidd henn schee middgmachd, sogar die Jungä, ohne dass was bassiord währ. Bassiord war vor denn Dahg gnug.

SchmuDo
Schminken mit Aussprache weje dem Sunndahg en Brusl.
Donn schbielämor d’Bolandenschule, d’Schillerschule unn donn wahrämor s’eerschde Mohl _offiziell_, Karin, _offiziell_ em Globus – nadierhlich mit Rollgleit und dem gleichä Ohnteil Fans wie Hator – sensationelle Gsichdor en dem Laadä!
Donn hemmor Bons im Üwwerfluss griggd, unn Fisch- unn Mettwegglin aah. Dongschee dodefohr unn a die finanziell Unnorschdüzzung.
Donn zu de Seniorä bei de AWO: gut, awwor Fazit: drei Mettwegglin senn ohnor zu viel! Unn Dorschd hodd des gewwä! Jesses…
Donn Berlinor, Seggd unn emohl nedd abgloffenes Bior (Januar 27, de Joggl hodd exdra geguggd), bevormor zum Jakob-Gieser-Haus senn.
Do hodds en Lebra-Fall, de Patrick hodd soin Fuß verlorä (gottseidonk nur denn vunn de Bassdromml, nedd soin echdä) unn’d Alisa hodd ihrän Busch em Arsch ghadd. Froogdminedd, ich hebb’s nedd gseh!
En de Volksbank verhauämor de Schdernehimmel, lachä all mohl korz und Zack direkt ins Kompliment noi. Isch faschd nimondem uffgfallä… heddmor mohnä kennä, dess gheerd so. Schbondohnä Liedännerungä solldämor vielleichd oifach bleiweä lossä.
Dongschee übrigens ennd Volksbonk für die finanziell‘ Unnorschdizzung a en dem Johr widdor! Mir freijä uns a schu widdor uff’s neggschd Johr bei eich!
Donn zommä middäm KHC unn de Herzdohmä iwworahl guhde Launä bis zum Nudelsalat unn dä Gulaschsubb beim Ährävorschdond unn soinorä Fraa dehohm!
Unn wu sich friehjor emm siwwenä Köhlers Weschkich erschdemohl midd Schlabbä gfilld hodd, leert se sich heidd um die Uhrzeidd, weil die junge Eldorn ihr Gmiehs hohmbringä! Alles widdorholt sich!

Ah de Nachdumzug en Dahg schbeehdor.
Nur dassmor des Johr e Alarmrotte 5 henn. Awwor Bewährtes bleibt: d’Rewe hodd zu, Ohwedesse uff de Gass, Lichdor iwworahl, em Gejesatz zu leschdem Johr schbielemor des Johr mol widdor uffem Kreisel unn senn all frieh dehohm.

Somstags rejjords. Also die Lufd isch e bissl feichd. Im Binderaum speggulierä Kachelmanns Jünger, wie’s Weddor wärd: „Des konn schu rejeorä, vor allem, wenn sich die Wolgä em alpine Gebeerg vor Fraueweilor uffschiewä…“. Für die geographisch Unbedarfte: de Joggl hodd de Letzeberg gmohnd.
Em 10:30 trifft pünktlich unser Heiliger Bernhard, der Kreiselfahrer, oi unn mir machä uns uff nach Kerrloch ens Kreiz.
Em Bus isch widdor’s Weddor e Thema. 80% Wahrscheinlichkeit auf Feuchtigkeit – draussä, drinn, unnä rum… iwworahl!
Unn em Kreiz soll’d Petra enn de Uffschdellung donn uffem Schdängeli e Ahij vor de Muli leje, mohnd donn awwor, sie konn e Hemmoriehd leje! Dongschee, awwor noij, dongschee! Petra!
Dem Umzug in Fraueweilor konn mor gerne nochemohl e Schohnz gewwe, die Leidd warä guhd druff. Unn wenn’s Weddor bessor isch, isch des bschdimmd großaardich.
Großaardich war a des Schdändlä zum 18. Geburtstag vun moim Kind. Dongschee!
Noch de Riggfahrd eskaliert beim Ausschdeigä de Muli, hodds wohl awwor a dirrggd geklärt. Donn Pizza em Binderaum unn gut.
Noi, noi – d’Alisa hodd dehohm ihrän Monn gfrohgd, ob er nedd kotzä war. Soi Antwort: Noi, kaggä!

Sunndahgs isch donn schu widdor so saukalt!
Em Binderaum isch’d Alisa erleichdord, dass ihrän Monn beim Kaggä gottseidonk nedd so laut isch wie beim Kotzä.
Beim Schmingä missämor s’Schbarä ohfongä, weil die Weiss zu Neige geht.
Unn en de Uffschdellung en Durlach sinnierä mor, wie des mit dem Transport abbem neggschde Johr glabbä soll, wonn de Bernhard unsorn Bus nimmi hodd. De Lars bringt ins Schbiel, dass er jo Tiertransportä fahrä derf… er miehst nur alle Schdund gugge, dassmor Esse unn Dringä griejä unn nedd en de Scheisse schdee. Solldemor nohbringä.
Donn henn e paar e paar Atom-Brischd gseje, henn’s awwor wohl bereut!
A propos bereujä: grundsätzlich war die Verohschdaldung en Durlach zwar guuhd besuchd, awwor organisatorisch nedd so glungä! Di keende bei unsorä Organisatorin mohl noochfroä, wiemor des richtig macht! Uff jeden Fall hodd’s en Durlach koi Klos, nirgends, unn’s isch viel zu deijor! Frohgdemohl d’Gabi, die ihrä deijor Brill enn’d Schdrohs gfeijort hodd!
Deijor war donn a nochs Ohwedessä, wesewejämor abbem neggschde Johr koi Reschdohrohns meh buchä unn liewor bei Dörr’s Pizza en de Binderaum bschdelle oddor dord de Grill ohschmeissä. Missämor noch schwezzä, awwor nedd heid.

De Rohsämohndahg kredenzt uns ein krasses, grünes, kieferorhopädisches Krokodil, des uns provoziert, Pfeffi zu prowiehrä. Des middene Alliterationä nimmt so longsohm iwworhond. Des wahrä die ledschde. Verschbrochä!
Enn Odenä schdejämor desjohr onnoschd enn de Uffschdellung, mechdem Pfeffi unnem Büffeh awwor gar nix.
Schee isch: d’Gabi hodd s’eerschde Johr koi Hämmoriehdä! Dodefohr beissd’s de Doris unnerum.

En de Parole Bar hodd’s zwaihjdä Wäjäli de Koch vunn de Muppets noochgmachd unn ugfähr 8 mol soi Steggelin gschmissä, ohne dass es jemondäm uffgfallä wär.
Dort hemmor donn ah de Ingä reaktiviord unn senn irgendwonn ah all hohm – oddor nedd. S’hodd a greichd – oddor nedd!

Fasnachtsdienstag
Morjens geje erschdemohl Kronkmeldungä oi, dass krachd! Vor allem die gonz Jungä unn vunn de gonz Aldä hodd’s erwischd. Die gonz, gonz Aldä senn nedd hiezukriejä, die senn do.
Donn gibbd’s Breiworschd schdadd Bierworschd unn Dönerpizza vunn geschdern Ohwed, bevor mor widdor ens Gsichd gschbrizzd kriejä unn’d Gabi doch tatsächlich unn gligglicherweis nooch gfiehld zwei Woche ihrä Hondschuh doch noch gfunnä hodd.
Middorä Reschddrubb, die awwor gar nedd so kloi ausfällt, wiemor vunn de Kronkmeldungä hedd mohnä kennä, fährämor also enn de Globus Baumarkt, schbiele e paar Gassehauor, laafe durch die Geng, haue uns de Bauch voll unn fahrä donn nach Schwetzingä. E herzliches Dongschee on Tanjas Chefs unn Kollejä!
En Schwetzingä hodd’s wie immor gefühlt 1 Dixie-Klo uff 1 Umzugsteilnehmer, was sehr entspannend war. Guggd, Durlach, so geht des!
Donn schdehne mor so rum unn ich deng so, ich heed den Dahg quasi a schu gschriwwä, weil ich jo immor midd- unn vorschreiwä du, vorgisst die Bassdrumml doch gladd ihrä Schlägorlin em Bus unn muss oimohl quer durch Schwetzinge dagglä. Awwor immerhin hodd’Sunn gschoind!
De Reschd veschpord währenddessä wie immer sehr gut, donn geht’s uff die Umzugsschdreck unn mir roggä Schwetzingä midd unsorm Ex- unn deigichem Aushilfs-Muli Eugen. Großartige Performance, Dongschee, Eugen!
D’Leidd henn a guhd mitgmacht, hot Schbahs gmachd – ah wonn die Schdreck long unn ohschdrengend war! Unsorn Chef-Geograph, de Joggl, hodd gmohnd: „wenn mor em Schloss gradaus gloffä währä, heddemo a glei hohmlahfä kenne!“, soviel Schdreck isch do neemlich noch kummä!
Uff de Hohmfahrt gibt’s donn sehr emotionale Szene, alsmor uns vunn unsorem longjährige Begleiter, unsorm goldene Bernhard-Bus, final verabschiedä! Soi ledschde fahrt. Unsor ledschde Fahrd! Mach’s gut en doinärä neijä Heimat unn guuhde Fahrd uff doine ledschde halwä Milljohn Killomehdor.

Vor Dörrs paggemor alles ausem Bus, verabdschiedä de Bus midd Konfetti-Kanonä unn Bengalos unn verrohmä d’Inschdrumende, Getränke unn s’Wäjeli em Hof vunn Dörrs. Donn gibt’s e ledschdes Mohl Pfeffi en derrä Kompagnä unn ohschließend gehmor essä oddor groggy awwor ah zufriedä unn erleichdord hohm, bevor mor uns donn heid Morjä zum Uffrohmä unn heidd ohwed zu de Fasenachts-Beerdigung getroffä henn.

Soviel zu unserä harmonischä Kompanjä des Johr.

Jezzord derfi eich biddä, uffzusteje unn eijor Glessor zu erhehwä.

Liewä Fasenachd 2026, du warsch vielseitig, wie seldä ohni. Es isch eskaliert, donn wahrämor harmonisch, senn selwor eskaliert, henn viel erlebt und scheene, viele Erinnorungä gschaffd. Dongschee und jezzord derfsch zommä middä Erika hohmgeje. Uff eior beidor Wohl!

– Drauorlied –

Jezzord hemmor erschdemohl e klooni Paus. Prowä dummor a ball widdor, em 11. März. Uffschreiwä. Pinktlich soi, 19 Uhr, Prohwäraum.

Wichticher Termin: Enn zwaij Wochä isch Genoralvorsommlung, dess ah in de Kalennor oihdragä unn ah pinktlich soi!

Unn denkt droh: en 351 Deehg isch schu widdor de Schmuzzich 2027.

Vor heidd: uns all e großes unn herzliches Dongschee vor e tolli Kompanjä 2026.
Jezzord gehd’s erschdemohl widdor do drum, Normalität und die Wohnung zurückzugwinnä! Viel Erfolg debaij!

Unn ich winsch eich, dassdor eich vunn dennä scheenä awwor a ohschdrengende Deehg schnell erhohld, schnell widdor gsund wärrd oddor gsund bleibt! Jezzord lossemor’s uns schmeggä unn donn sehmor uns schbedeschdens en zwahij Wochä.

Dongschee.